चलिग्यें (गढ़वाली ग़ज़ल)
आँसू नी बगदा सदानीं
आँसू सुख्येदा नी
मौल्यार ऐं भी जाँदी
ठंगरा हरैन्दां नीं
बगणीं सी रैं सदानी
आस पछ्याणीं नी
उगदी त रै सदानीं
माटु ख्वजादीं नीं
लगुली सी रैं बढाणीं
टूख पौछेन्दां नीं
बगदी त रै सदानी
दगडी मिलदा नी
बणुल्यूं मा रै सदानी
समणीं दिख्यैंदा नीं
चलिग्यैं परांण छोड़ी
खुद मिट्यैंदी नीं
आँसू नी बगदा सदानीं
आँसू सुख्येदा नी
Comments
Post a Comment