गौ अब नी रैन
धारु पाणी गौ ग्व्यठार बडूं कू मान और छ्योटूँ कू संस्कार सब्बी बदलिग्ये भुला गौ बस अब बढिग्या रैगिन किस्सा कहानियों अर नेगी जी गीतों मा भुला नेता ह्वेगिन प्रधान ह्वेगिन पंच सरपंच अर अध्यक्ष ह्वेगिन रीत बदली प्रीत बदली ढोल दमौ अर संगीत बदली सब्बी बदलिग्येन भुला गौ बस अब बढिग्या रैगिन किस्सा कहानियों अर नेगी जी गीतों मा भुला नप्ती बदली उकाल उन्यार बदली नाचणों बाजू डीजे मा बदली दोखू हरची ट्वाल बदली लव्वा जनूं श्रृंगार बदली सब्बी बदलिग्ये भुला गौ बस अब बढिग्या रैगिन किस्सा कहानियों अर नेगी जी गीतों मा भुला चची तने चचा यने बौजी भी अब फुने ह्वेगी वीर भड लखडडूं लग्यों भुल्ली भी रील व्यली ह्वेगी सब्बी बदलिग्ये भुला गौ बस अब बढिग्या रैगिन किस्सा कहानियों अर नेगी जी गीतों मा भुला पठाल बल्या कूडा नी रैन ख्योली म्योरी अर खंदरा नी रैन साजू खौल्यू अर धारू नी रे अब झुमैलुं मा स्व सग्वौर नी रे सब्बी बदलिग्ये भुला गौ बस अब बढिग्या रैगिन किस्सा कहानियों अर नेगी जी गीतों मा भुला