गढभाषा आन्दोलन
क्वे लाग्यां इतिहास रचौंणां क्वे कविता म्यसोणां छन
ये गढ़भाषा आंदोलन को मैं छोट्यू -मोट्यु डण्डयौंर छौं ।
गुस्ठि होणी च पंगत लगयि च क्वे संस्कार बचौंणा छन
ये गढ़भाषा आंदोलन को मैं छोट्यू -मोट्यु स्वग्वौंर छौं ।
शबद बज्यैलयें नपती रच्ये द्ये मांगल्य गीत लगयौंणा छन
ये गढ़भाषा आंदोलन को मैं छोट्यू -मोट्यु डुन्गयोर छौं ।
धुवल्यीं लगे कैन म्युच्यल्यी जगे केन क्वे मौंल्यार लगौणा छन
ये गढ़भाषा आंदोलन को मैं छोट्यू -मोट्यु पणग्यौंर छौं ।
गढ़कुमाऊँ की खोज कना क्वीं क्वे गढ़ खड्यू करौंणा छन
ये गढ़भाषा आंदोलन को मैं छोट्यू -मोट्यु पिठल्योर छौं ।
माटु खणि जा भीड़ चिड़्ये जा गढ़ धरती धौ लगनी च
ये गढ़भाषा आंदोलन को मैं छोट्यू -मोट्यु मल्यौर छौं ।
मंदिर बडौंलू गढ़भाषा को तुम सब ल्योन की मेहनत च
ये गढ़भाषा आंदोलन को मैं छोट्यू -मोट्यु छपलौर छौं ।
Comments
Post a Comment